قصة مؤثرة لمحمد صلاح فى مباراة تنزانيا | جبر الخواطر - مبدع عربي | منصة الكورة العربية والأوروبية

آخر أخبار الموقع

اعلان

اعلان

الجمعة، 14 يونيو 2019

قصة مؤثرة لمحمد صلاح فى مباراة تنزانيا | جبر الخواطر

مواضيع ذات صله

#قصة مؤثرة لمحمد صلاح فى مباراة تنزانيا | جبر الخواطر

منقول من واحد كان في الملعب امبارح 
النهارده وانا داخل الأستاد الست دي كانت بتترجي أمن المقصوره انها تدخل تقعد في أول مدرج في المقصوره علشان تشوف صلاح.. فضولي جابني إني اعرف ليه إصرار ها علي الطلب ده

️الست بنتها عندها حاله مرضيه صعبه وفضلت وقفه طول الماتش علي رجلها شايله بنتها علي أمل انها تعرف توصل لصلاح وتطلب منه المساعده .. المهم انها بكل أدب طلبت من أحد المنظمين للماتش ( الراجل اللي كان لابس بدله وبيتكلم مع صلاح في الفيديو) في الملعب انه ياخذ ورقه منها ويوصلها لصلاح والراجل بكل أدب وأخلاق قرر يساعدها ويوصل الورقه دي لصلاح وبمجرد الورقه ما وصلت لصلاح بص بضهره للست وهو قاعد علي دكه البدلاء وابتسم لها ابتسامه انا لن انساها في حياتي وكأنه بيقولها اطمني وفي اللحظه دي الست فعلا اتطمنت وقعدت في المدرج وفرحه لا تتخيلوها انا شوفتها بعيني علي وشها..

️الأهم من كل ده اللي اتفرج علي الماتش هيلاحظ ان صلاح طلع برا الملعب قبل نهايه الماتش بربع ساعه وبمجرد خروجه طلب من الأمن انهم يدخلو الست ببنتها من باب الحديد الخاص بمدرج المقصوره علشان يساعدها حسب طلبها له ومترددش ولو للحظه انه يخليها تمشي وهي مكسوره الخاطر

️اكتر حاجه لفتت نظري أن الست دي دون عن باقي لعيبه المنتخب كلهم طلبت مساعده صلاح بالإسم مع كامل احترامي لباقي اللاعيبه طبعا وكأنها كانت واثقه انه مش هيردها غير مجبوره الخاطر .. وده اكدلي ان اللي باقي للانسان هو سمعته وسيرته الطيبه اللي سبقاه وسط كل الناس
️جبر الخواطر ده أعظم وأنبل شئ في الوجود

وصلاح فعلا ربنا بيكرمه بسبب أفعاله الطيبه


️طول ما انت قادر تساعد حد طلب منك انك تساعده أجبر بخاطره علشان هتحتاج في يوم اللي يجبر بخاطرك ولو مش هتحتاج لحد فا ربنا هيجبر بخاطرك
ربنا يحميك ويبارك في عمرك يا صلاح
حاجه اخيره حابب اوضحها.. الموقف ده انا شوفته من اوله بعيني والله شاهد علي ما أقوله

ليست هناك تعليقات:

إرسال تعليق

اعلان