المتابعون

تعليق صادم لعبد الظاهر السقا علي خروج منتخب مصر من كأس الأمم الأفريقية

ماذا قال عبدالظاهر السقا بعد خروج مصر من كأس الأمم الأفريقية :

بعد خروج مصر من بطولة كأس الأمم الأفريقية 2019 التي أقيمت على أرض مصر ظهر كثير من التعليقات من أبرز نجوم الكرة المصرية على خروج مصر من بطولة كأس الأمم الأفريقية ومن ضمن النجوم التي أظهرت حزنها ولم تستطع ان تقطع وصلة الحزن اللاعب المصري القدير عبدالظاهر السقا قائلاٌ ومحللاٌ لما حدث .

عبدالظاهر السقا غاضب جداٌ على خروج منتخب مصر :

بص يا ابراهيم انا مش هاكلمك لا كورة ولا أي حاجة خالص أحنا زهقنا إحنا بنتلكك الصراحة يعني 
احنا كنا بنتلكك للفريق دا وللجهاز دا على أي حاجة حلوة بيعملوه ، إحنا كنا بنقول اننا لما بنطلع فى الاسوديوهات التحليلية للمباراة بنحاول ندي روح إيجابية للناس والمشجعين .

عبدالظاهر السقا يشبه منتخب مصر بالدكتور المهمل :

احنا عاملين زي الدكتور اللى عارف المرض بس بيأجل فيه ، عمالين نقول هايقدر يعيش بيه فترة ممكنة ، عمالين نقول ايجابيات ايجابيات ايجابيات ، حتي الجمهور العادي كان عارف وحاسس ، لكن النهاردة لايوجد فى منتخب مصر أي نوع من الفنيات ، النهاردة لما يكون فيه أكثر من 80 ألف مشجع فى الملعب لازم المنتخب يكون أحسن من كدا ، النهاردة مفيش مدير فني ومنتخب مصر مش محتاج مدير فني أجنبي ، حد قال لطارق حامد يغطي فى الـ 18 والـ 6 ياردة ، دا كلام شغل فني وتكتك ؟؟؟؟؟؟ 
دي روح وتيشيرت بلد واللى مش عارف قيمة التيشيرت دا لو سمحتوا ميجيش تاني ...!

عبدالظاهر السقا يتحدث عن جمهور مصر الحزين :

كل الناس قاعدة زعلانة ، احنا كنا خلاص قاعدين نتفرج على الماتش خلاص هانموت ياجماعة ، مينفعش وفى بلدنا ، مينفعش اني بطولة فى بلدنا وعلى أرضنا وتتاخد مننا او تضيع مننا ، احنا مش هانفضل نقول منتخب سبع بطولات وكلام من دا ، احنا كدبنا على نفسنا وصدقنا الكدبة ، وعلشان كدا منظرنا طلع كدا وبالشكل دا .
وما حدث لمنتخب مصر بالخروج من كأس الأمم الأفريقية ، كان نتاج أن الجهاز الفني لم يسمع لأحد ، وأن فوز مصر فى أول ثلاث ماتشات كان ربنا بيسترها معانا علشان الناس مش أكتر .

الجهاز الفني والاداري السبب فى خروج منتخب مصر :

الجمهور اللى طالع بيعيط النهاردة بسبب خروج مصر من أمم أفريقيا ، كان بسببك كان لازم تشتغل أكتر من كدا ، واللاعبين كان لازم يتكاتفوا أكتر من كدا بكتير ، كان لازم من التواصل بين القيادات الفنية ومجلس ادارة اتحاد الكورة والتنبيه على اللاعبين إننا لازم نبقى رجالة فى الملعب ، وأن ما رأه فى الملعب اليوم إن منتخب جنوب أفريقيا تقوم تعمل استحواذ والمهاجم يروح بالشناوي إنفراد ، انا جوا ملعبي ويتعمل معايا كدا ، المنتخب دا لو مش موجود فيه اتنين الشناوي وطارق حامد منظرنا كان هايبقى عامل ازاى ؟

عبدالظاهر السقا يشيد بالثنائي طارق حامد والشناوي :

وأشاد المحلل القدير عبدالظاهر السقا باللاعب طارق حامد ومحمد الشناوي وذكر أنا محمد الشناوي دافع عن مرماه بجدارة وأنقذ ما يمكن إنقاذه ، واللاعب طارق حامد عن مافعله من قتال فى أرضية الملعب وذكر ان اللاعب طارق حامد قام بالتغطية على أحمد حجازي فى هجمة مرتدة لصالح الجنوب أفريقيا ، وذكر أن طارق حامد يلعب بشرف ويقاتل من أجل التيشيرت الذي يرتديه ، وأن اللاعب يعلم قيمة هذا التيشيرت ، وذكر المحلل القدير عبدالظاهر السقا فى أخر كلامه أن هناك فرق شاسع بين أن ترتدي تيشيرت منتخب مصر والدولة الأم وأن ترتدي تيشيرت فريقك أو ناديك .
Mobd3
كاتب المقالة
كاتب ومحرر اخبار اعمل في موقع مبدع عربي .

جديد قسم : كأس الأمم الإفريقية

إرسال تعليق

إشترك بالنشرة البريدية