شاهد قبل الحذف بالفيديو علاء صادق يهين الزمالك بما فيه من وزير الشباب لأصغر زمالكاوي

شاهد قبل الحذف بالفيديو علاء صادق يهين الزمالك بما فيه من وزير الشباب لأصغر زمالكاوي
    خرج علاء صادق فى فيديو جديد يهاجم اتحاد الكرة الجديد وهذا مضمون الفيديو بما فيه من مسخرة 

    استهل الدكتور علاء صادق كلامه بالسلام عليكم ورحمة الله وبركاته :
    الحرب على الأهلي إشتعلت والوايت نايتس ألتراس الزمالك هوا اللى بيدير الكورة والرياضة فى مصر ، وزير الرياضة ألترس وايت نايتس ، ورئيس إتحاد الكورة ألتراس وايت نايتس .

    الكل عايز الوزير واتحاد الكورة عايزين يقولوا من غير خجل على الاطلاق "إن الحرب على الأهلي كبيرة مستمرة واللى مش عاجبة الكلام دا يخبط راسه فى الحيط " ، خلاص بيعملوا اللى عايزينوا .

    وزير الرياضة / أشرف صبحي اللى هوا أساساٌ موظف سابق فى نادي الزمالك ، وكل الدنيا عارفة ، مبيخبيش أبداٌ تعصبه لنادي الزمالك فى كل قراراته .

    قمة التعصب وصلت إمبارح فى اللجنة اللى إختارها لإدارة إتحاد كرة القدم لجنة مؤقتة ، وزير الرياضة أشرف صبحي تقمص شخصية وايت نايتس تماماٌ ولبس فلنة الزمالك كمان ، وإختار لجنة زمالكاوية بنسبة 100% .

    رئيسها "عمرو الجنايني" وايت نايتس رسمي يعني ، تعرف منين الكلام دا ، تشوف التويتة اللى كتبها لما الأهلي خسر من صن داونز 5-0 كتب كلمتين "أبو خمسة" بيتريق على الأهلي وبيهزق الأهلي ، دا بقى رئيس اتحاد الكورة ، الكلام دا ميحصلش فى أي مكان فى الدنيا ، اللى زي دا يتمنع حتي من العمل فى نادي الزمالك   .

    الجنايني بيكره الأهلي أكتر من كراهيته للمرض ، ومع ذلك هو دا رئيس اتحاد الكورة وش ، ومحدش يقدر يتكلم أصلا ، وزير الرياضة أشرف صبحي الوايت نايتس حط معاه كمان لاعب كرة القدم السابق فى نادي الزمالك أحمد عبدالله ، ودا اللى بيطعي فى كل البرامج الرياضية علشان يبين تعصبه الشديد لنادي الزمالك وكرهه للنادي الأهلي 

    إتنين زمالك فى مجلس من خمسة أمام واحد من الأهلي ، وحتي الواحد اللى إختاره من الأهلي "محمد فضل" اللى لسه خارج من الأهلي بخناقة ، بغضب شديد جداٌ من مجلس الادارة ، بعد ما كان رئيس لجنة التعاقدات ومشي من الأهلي .

    الإختيارات دي تمت على أساس ايه إن الزمالك أقدم ولا جماهيره أكتر ولا بطولاته أكتر ولا هوا نادي القرن ، إيه الأساس اللى بتختار عليه ، غير إنك لابس فلنة الزمالك ووايت نايتس .

    بالاضافة الى اتنين دكتور جمال محمد علي ، ومعاهم دكتورة سحر عبدالحق ، يعني لجنة اتحاد الكرة فى 3 زملكاوي وواحد أهلاوي ومعاهم مين بقى مدير الاتحاد ، الخدام بتاع مرتضي منصور اللى هو ثروت سويلم .

    المسألة فى الأول والأخر إعلان زي الاعلانات اللى بتشوفها فى التلفزيون ، معناها أدي المعلومة شوفها وصدقوها كويس ، معناها إني الناس لازم تعرف إني البلد زمالك والاتحاد زمالك والأهلي لازم ياخد على دماغه ، والحرب مستمرة على الأهلي .

    وإتهم وزير الشباب بأنه يقوم بحماية الزمالك بكل حروبه على الأهلي ، مثل حرب مرتضي منصور على الأهلي والوزير يحميه ، والحرب اللى كملها ترك آل الشيخ على الأهلي وإتحاد الكورة والوزير بيحميه ، الحرب اللى بيعملوها حكام الكورة كل يوم والاعلام بيحميهم ، الحرب اللى خلصها ثروت سويلم فى مباراة الأهلي وبيراميدز علشان يدبح الأهلي فى ثلاث ضربات جزاء ميحسبهمش .

    الحرب مازالت مستمرة على الاهلي ، وخلاصة الموضوع أن وايت نايتس الزمالك مستمرة وبتدير الكرة ، ويدير الاعلام ، والاهلي دوره أنه يقاوم كل دول وكل الكلام ، ولو الأهلي نطق الطوفان الزمالكاوي داخل "طوفااااااااااااااان يخلص على أي حد " .


    وهانسمع اللى بيتقال من خمسين سنة ، مره مالبلد طول عمرها أهلوية ، هو محمد حيدر اللى أدار الكورة فى مصر 20 سنه مكنش رئيس الزمالك ، هو عبدالحكيم عامر مكنش زمالك وغيرهم ..... الخ .

    كان الله فى عون جمهور الأهلي وكان الله فى عون الحق والعدل وفي عون الرياضة . .. . . . . . . 

    وإلي اللقاء .


    إرسال تعليق