تصريحات رائعة لميدو بعد الهزيمة أمام الزمالك والخروج من كأس مصر - مبدع عربي | منصة الكورة العربية والأوروبية

آخر أخبار الموقع

اعلان

اعلان

الأربعاء، 28 أغسطس 2019

تصريحات رائعة لميدو بعد الهزيمة أمام الزمالك والخروج من كأس مصر

مواضيع ذات صله

تصريحات أحمد حسام ميدو
ماتش جه فى توقيت صعب جداٌ بالنسبة لنا ، لأننا بقالنا سبع أسابيع فى فترة الاعداد ، وبنلعب قدام فريق كبير وأجهز مننا ، لأني تلاحم المواسم أعطت للزمالك الأفضلية ، لأنه لعب مبارتين فى بطولة دوري أبطال أفريقيا لهذا الموسم .

أحنا لسه موصلناش من 70% من المستوي البدني اللى احنا عايزينه ، أما بالنسبة للشوط الأول كنا للأسف كنا مرتبكين وكنا فى حالة من الخوف عند بعض اللاعبين ودا سبب الهدف المبكر .

وفى وسط الشوطين قدرت أغير من دا وأعدل من امورنا ، وقمت بتغيير فوافي مكان موزز ، وبدأ ريكو وأتشو يظهروا ، غير إن محمد إبراهيم كان أفضل كتير .


صلاح أمين مكنش يقدر يدينا أكتر من 65 دقيقة علشان كدا قمت بتغيير عمرو مرعي مكانه ، ثم التغيير الأخير وخروج خالد أوتشو ونزول صلاح عاشور ، قدرنا نخلق أكتر من فرصة لاحراز هدف .

أما بالنسبة للتحكيم فأخطاء التحكيم جزء من اللعبه ، وأنا من رأيي ليا ضربتين جزاء ، والأخطاء موجوده وهي جزء من اللعبة ، وشاهدتهم بالتلفزيون ، وببارك للزمالك مبروك الصعود ، وبشكر لاعبي المقاصة على أداءهم وقتالهم فى الملعب .

ومباراة اليوم كانت اختبار لينا ، وهزيمة النهاردة كانت اختبار حقيقي لكي نتم تتطوير أنفسنا ، ونتعلم من أخطائنا .


كما أشاد الكابتن أحمد حسام ميدو بأداء أحمد عادل عبدالمنعم حارس مرمي نادي مصر المقاصة ، أحمد من اللاعبين الرجالة ومغابش ولا تمرين وأنا اتطمئنيت على مرض ابنه ودا كان من 10 أيام فاتت مش أكتر وقدر يشيل كورة جول فى الشوط التاني .

ريكو واتشو مكنوش بيقفلوا على طارق حامد وساسي ولما قدرنا نعمل دا فى الشوط التاني ، كنا أفضل بكتير الشوط التاني ، والهدف المبكر أربك الفريق مبكراٌ .

وأنا مش عايز أرجع لمشكلة التحكيم ، لأني برغم الأخطاء حكامنا ناس كويسة وبتفهم كورة ، ومش عايزين نضغط عليهم اكتر من كدا لأني الأخطاء جزء من اللعبة ودائما ماتكون متواجدة ، ورد فعل طبيعي فى الملعب العصبية والنرفزه  لكن بعد الملعب فيه هدوء .


أنا أعلم أن فريق المقاصة يمتلك سلبية كبيرة ، ولكن سيتم معالجتها وسنقدم موسماٌ مميزاٌ ان شاء الله ، علينا أن نتعلم من الاخطاء وأنا متفائل جداٌ ومعايا لاعبين جيدين .

وأشاد باللاعب محمد ابراهيم الذي قاد فريق مصر المقاصة اليوم ، صديق الأمس ومنافس اليوم ، اول مباراة مع المقاصة وكانت أخر مباراة مع الزمالك الماضية ، ومحمد ابراهيم اضافة جيدة جداٌ لنادي المقاصة .

ليست هناك تعليقات:

إرسال تعليق

اعلان